Архив және болашақ ұрпақ

Іс-шараның мақсаты – архив қорындағы дереккөздерді пайдалана отырып, Қазақстан тарихына, қоғамның ұлттық мәдениетіне ғылыми-зерттеу жұмыстарын жүргізуге жастарды жұмылдырып, қызығушылықтарын арттырып, ұлттық құндылықтарды, Отанға, туған жерге деген патриоттық сезім мен адамгершілік сананы бойларына сіңіріп, өскелең ұрпаққа кеңінен тарату.

Ашық есік күнінде Қармақшы аграрлы-техникалық колледжінің ауыл шаруашылығын механикаландыру АШТ 24/9, «Тігін өндірісі және киімдерді үлгілеу» ТГ-24/9 оқу тобының 1-курс студенттеріне «Ұлағатты ұстаз – Қали Шыңғысов» тақырыбында лекция оқылды.

Ш.Уәлиханов атындағы №26 орта мектебінің 5-сынып оқушыларына архив қорындағы сақтауда тұрған майдангерлердің құжаттарынан және фотосуреттерінен «Отан үшін от кешкендер» атты сабақ өткізілді. Сондай-ақ шарада архив қызметкері, І санатты архивист Г.Абиеваның ұйымдастыруымен архив қорында сақтауда тұрған, еңбек ардагерлері қорынан дайындалған ауыл шаруашылық саласы бойынша еңбек ардагері, «Құрмет белгісі» орденінің иегері, Қармақшы ауданының Құрметті азаматы, ауданның өркендеп-өсуіне, дамуына ерекше үлес қосқан «Өмірі өнеге, еңбегі үлгі – Әбдірай Бөрібайұлы» атты көрме өткізіліп, қордағы ауданымыздың Ұлы Отан соғысы ардагерлерінің, Құрметті азаматтарының, еңбек сіңірген тұлғалардың жеке тектік қор құжаттары бойынша шолу жасалып, құжаттар сақталатын қор сақтау қоймаларына С.Есқараев атындағы №27 орта мектептің оқушыларына және музей қызметкерлеріне экскурсия жүргізілді.

Аталған шарада Қармақшы аудандық архиві филиалының басшысы Г.Іздібаева іс-шараны ашып, келген қонақтарға, қатысушы мектеп оқушыларына ризашылығын білдіріп, тарихымызды құнды құжаттармен толықтырып отырған аудандық архив мекемесінің тарихына, маңыздылығына, қоғамдағы рөлі мен тыныс-тіршілігіне тоқталып, жұмыс барысына шолу жасады.