Отбасы – адамзат баласының дүниеге шыр етіп келгенде, есігін айқара ашып енетін үйі, өсіп ер жететін, тәрбие ашатын аса қажетті, әрі қасиетті алтын бесігі. Қай заманда, қай елде болмаса да отбасының адамзат ұрпағына ықпалы мен әсерін өмірдегі басқа ешнарсенің күшімен салтыстыруға болмайды. Қыркүйектің екінші жексенбісі елімізде «Отбасы күні» деп жарияланған. Осы мереке қарсаңында Оқырманға қызмет көрсету бөлімінің ұйымдастыруымен «Мықты отбасы – мықты мемлекеттің кепілі» атты дөңгелек үстел болып өтті.

Мақсаты: отбасылық құндылықтарды дәріптеу, бауырмалдық, қайырымдылық қатынастарды нығайту.

Іс-шараға қазақ тілі қоғамының және аудандық аналар кеңесінің төрайымы Гүлжауһар Раева, аудандық отбасын қолдау орталығының маманы Серикболсын Маденов, зорлық-зомбылық бөлімшесінің инспекторы, полиция капитаны Қасымова Айнұр және де бір салада қызмет атқаратын үлгілі де өнерлі отбасы Айдынбек Скендіров пен Қамар Кенжебаева қатысты.

Шара барысында қонақтар өз пікірлерін ортаға салып, тәрбиелік маңызы бар бейнеролик көрсетіліп, отбасылық құндылықтарды дәріптейтін кітаптарға шолу жасалды.