Кәмелетке толмағандар ісі талқыланды
Аудан әкімінің орынбасары С.Смағұловтың төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссия отырысы өтті.
Жиынға құқық қорғау органдарының мүшелері, тиісті бөлім басшылары қатысты.
Күн тәртібінде биылғы жылдың 6 айында кәмелетке толмағандармен оларға қарсы жасалған қылмыстардың алдын алу бағытында атқарылған жұмыстар туралы аудандық полиция бөлімінің Жергілікті полиция қызметі бөлімшесінің бастығы Қ.Ермаханов, мәдениет және спорт ұйымдарына тартылған балалар мен жасөспірімдер бойынша атқарылған жұмыстар туралы аудандық спорт және туризм бөлімінің басшысы Н.Мырзабаев, Мәдениет және тілдерді дамыту бөлімі басшысының міндетін атқарушы Е.Ерсұлтановтың баяндамасы тыңдалды.
Комиссия төрағасы Ішкі істер органдарында тіркелген және қолайсыз отбасында тәрбиеленіп жатқан балалардың демалыс уақытын тиімді өткізу бағытында мәдени спорттық іс-шараларды күшейту, құқық бұзушылыққа бейім балалар мен жасөспірімдерді мектеп жанындағы және басқа да лагерьлерге, сондай-ақ спорт секциялары мен шығармашылық үйірмелеріне тарту жұмыстарын жандандыру бойынша тиісті сала басшыларына нақты тапсырмалар жүктеді.
«ҚТ» ақпарат
