Сот ғимаратына келген азаматтарды бірінші болып қабылдап, сұрақтары бойынша жол көрсететіндер – сот мамандары. Сот мамандары мемлекеттік қызметшілер болып табылады.

Сот әкімшісінің басшысы - сот жұмысын және соттағы іс жүргізуді ұйымдастырады. Бас маман - сотқа түсіп, қаралған істер, материалдар бойынша істерді қабылдау, есепке алу, сақтау, автоматты түрде бөлу, статистикалық есептер жүргізу міндеттерін атқарады. Бас маман-сот отырысының хатшысы – сот отырысын толықтай ұйымдастырып, азаматтардың сотқа келуін қамтамасыз етеді.

Аға сот приставы - сот отырысы кезiнде залда тәртiптi сақтау, сот үйлерiн күзетудi қамтамасыз ету қызметтерін жүзеге асырады.

Жетекші маман - сот жұмысының жариялылығын қамтамасыз ету, іс-шаралар өткізу, кіріс-шығыс журналдарын толтыру, мұрағат қызметін ұйымдастыру бойынша міндеттерді атқарады.