Өрт қауіпсіздігін сақтайық!
Көктем келісімен аулаларды және көшелерде тазалық жұмыстары жүргізілуде. Осы жұмыстарды жүргізіп қоқыстарды жағу кезінде ғимараттар мен құрылымдар арасында тиісті ара қашықтық сақталмай және жанып жатқан қоқысты бақылаусыз қалдыру салдарынан өрт оқиғасы орын алуы мүмкін.
Есте сақтаңыздар: От жағу, қалдықтар мен қоқыстарды өртеу ғимараттар мен құрылымдардан 50 м кем болмайтын арақашықтықта iске асырылуға тиiс.
Қалдықтар мен қоқыстар осы мақсат үшiн арнайы қашықтатылған жерлерде өртеу қызмет көрсетушi қызметкерлер құрамының бақылауымен жүргiзiлуi керек.
Ауылдық елдi мекендердiң, саяжай кооперативтерiнiң, бау-бақша серiктестерiнiң аумағында: жанғыш қалдықтардың үйiндiлерiн ұйымдастыруға жол берiлмейдi.
Осы жоғарыда көрсетілген талаптарды орындамау ҚР Қылмыстық кодексі мен Әкімшілік құқық бұзушылық кодексінде көрсетілген жауаптылыққа әкеледі.
Сол себепті тазалық жұмыстарын жүргізу барысында өрт қауіпсіздігінің талаптарын сақтап қауіпсіздік ережелерін ұмытпаңыздар.
Төтенше жағдай орын алғанда 101 немесе 112 телефонына хабарласыңыздар!
Қармақшы ауданының Төтенше жағдайлар бөлімі
