“Борышкер” жедел-профилактикалық іс-шарасы өткізілуде

2024 жылдың наурыз айының 26-31 аралығында Жосалы станциясы желілік полиция бөлімінің қызмет ету аймағында “Борышкер” жедел-профилактикалық іс-шарасы өткізілуде.

Іс-шараның негізгі мақсаты – мемлекетке айыппұл берешегі бар және салық төлемдерді төлемеген азаматтарды ескерту, салынған айыппұлдарды уақытылы өндіріп алу бөлігінде әкімшілік құқық бұзушылық туралы істер бойынша қаулылардың орындалуына бақылауды күшейту болып табылады.

Іс-шара аясында, Жосалы ст. ЖПб қызметкерлері тұрғындарға егер де әкімшілік құқық бұзушылық жасап, хаттама толтырған жағдайда оны 7 тәулік ішінде төлесеңіз 50 % пайыз жеңілдікпен төлеуге мүмкіндік барын ескертеді. Егер де айыппұл төленбеген жағдайда әкімшілік құқық бұзушылық туралы қаулы шығарып, 100 пайыз төлеу міндеттеледі. Қаулы шыққан күннен бастап, 30 күн ішінде айыппұл ерікті түрде төленбеген жағдайда мәжбүрлеп өндіру үшін жұмыс орындары мен сот орындаушыларға жолданатындығын хабарлаймыз.