Ағаш отырғызу акциясы өтті
«Наурызнама» онкүндігінің соңғы күні ұлттық экологиялық науқанға арналған. Тазару күні – азаматтарға қоршаған ортаны қорғау туралы түсінікті кең таратып, қоғамда экологиялық мәдениетті дамытуға мүмкіндік береді.
Бүгін Жастар саябағында өткізілген ағаш отырғызу акциясына аудан әкімі Жандос Еркінбек, аудандық мәслихат төрағасы Әділ Қошалақов, ардагерлер мен аудан тұрғындары қатысты.
Аудан басшысы өзінің сөзінде аудан тұрындарын экологиялық мәдениетті қалыптастыруға үлес қосуға шақырып, игі істерге жұмыла ат салысуға үндеді. Сондай-ақ, жасыл желектерді сақтап, табиғатты аялау шаралары тағылымы мен тәрбиесі жоғары жұмыстың бірі екенін жеткізді.
Табиғат тазалығын сақтауды үндеген акцияда жиналған жұртшылық жұмыла ағаш отырғызып, ардагерлер бата беріп, ізгі тілектерін білдірді.
