Қауіпсіз қоғам үшін қам
Қызылорда ОПД-нің биылға арналған негізгі ұйымдастырушылық іс-шаралар жоспарының 22-тармағына сәйкес, тұрмыстық зорлықзомбылықтың алдын алу және жолын кесу бойынша қабылданып жатқан шаралар туралы халықты ақпараттандыру, олардың рөлін нығайту мақсатында осы жылдың 15-18 наурыз күндері аралығында аудан көлемінде «Отбасында зорлық-зомбылық жоқ» атты жедел профилактикалық іс-шарасы жүргізілуде.
Онда әйелдерге қатысты зорлықзомбылықтың алдын алу, тоқтату, зорлық-зомбылық жасауға бейім адамдармен жеке-профилактикалық жұмысты жүзеге асыру көзделіп отыр.
Жедел профилактикалық іс-шара аясында бөлімнің ЖПҚб-нің УПИ-ры, ЮПт-ы, ӘЗЗҚт-ы күшейтілген жұмыс түріне көшіріліп, тұрмыста құқық бұзушылық жасауға бейім адамдарды, сондай-ақ қолайсыз отбасыларды, ІІОның профилактикалық есебінде тұрған тұлғаларды тұрғылықты мекен-жайы бойынша тексеру және де аудан бойынша құқық бұзушылықтар жасауға бейім адамдардың заңға қайшы іс-әрекет жасауларына жол бермеу мақсатында жұмыстар жүргізілетін болады.
Егерде сіздер немесе сіздің жақындарыңыз тұрмыстық зорлық-зомбылықтың құрбаны болса, онда үнсіз қалмаңыздар. Отбасылық тұрмыстық қарым-қатынастар аясында зорлықзомбылық көрген немесе куә болған азаматтар назарына облыс көлемінде орналасқан «Қамқорлық», «Жан», «Аналар үйі» дағдарыс орталықтары мен қоғамдық қорларына және аудандық полиция бөліміне хабарлассаңыздар болады. Қоғамда зорлық-зомбылыққа жол жоқ!
Аудандық полиция бөлімінің жергілікті полиция қызметі бөлімшесі,
Әйелдерді зорлық-зомбылықтан қорғау тобы
