Кеше аудан әкімінің орынбасары Жұлдызхан Ерқосаев, аудан прокуроры Мейрамбек Маханбетжанов және бірқатар мекеме басшылары мен кәсіпкерлердің қатысуымен кәсіпкерлердің құқықтарын қорғау, санитарлық талаптар, мобильдік аударымдар, қауіпсіздік мәселелерін талқылау мақсатында арнайы жиын өтті.

Жиын барысында аудан прокуроры Мейрамбек Маханбетжанов кәсіпкерлердің құқықтарын қорғау, мемлекеттік құзырлы органдар тарапынан кәсіпкерлікке келтірілетін кедергілердің алдын алу мәселелері жөнінде түсіндірме берді.

«Мобильді аударымдар мен бөлшек салықтың арнаулы режимдері бойынша аудандық мемлекеттік кірістер басқармасының, «Кәсіпкерлік нысандарға қойылатын санитариялық талаптар туралы» аудандық санитариялық-эпидемиологиялық бақылау басқармасының, «Сауда орындарындағы кауіпсіздік шараларын қамтамасыз ету туралы» аудандық төтенше жағдайлар бөлімінің, «Халық көп шоғырланатын кәсіпкерлік нысандардағы құқықтық тәртіп туралы» аудандық полиция бөлімі ақпарат берді. Кәсіпкерлер тарапынан қадағалаушы органдармен сұрақтар қойылып толық жауап берілді

Жиынды қорытындылаған аудан әкімінің орынбасары Жұлдызхан Байназарұлы аудан кәсіпкерлеріне кәсіп жүргізу барысында Заң талаптарын сақтауға шақырды.

Ⓒ Қармақшы ауданы әкімінің баспасөз қызметі