qarmaqshy-tany.kz Аудан әкімдігі жанындағы кәмелетке толмағандардың істері және олардың құқықтарын қорғау жөніндегі

комиссияның көшпелі отырысы аудандық аграрлы-техникалық колледжінің

акт залында өтті. Комиссия отырысына аудан әкімінің орынбасары Ерқосаев Жұлдызхан Байназарұлы, ауданның бас прокуроры Маханбетжанов Мейрамбек Жаңбырбайұлы мен құқық қорғау органдарының басшылары, мектеп директорлары, ардагер ұстаздар және колледж студенттері қатысты.

Аграрлы-техникалық колледже өткен өшпелі отырыстың күн тәртібінде үш мәселе қаралды. «Қармақшы аграрлы техникалық коледжі бойынша құқық бұзушылықтардың алдын алу бағытында атқарылып жатқан шаралары туралы» колледждің директоры Сайдулла Бауыржан Сайдуллаұлы баяндады.

Ал екінші мәселе бойынша «Кәмелетке толмағандар арасындағы алкоголь, есірткі, нашақорлықтың алдын алу туралы» және үшінші мәселе оқушылардың ауысу тәртібі бойынша аудандық білім бөлімінің әдіскері Тоқшылықова Ақтолқын Каналбекқызы мен аурухананың бас дәрігерінің орынбасары Сарыбаева Парида Ергешқызы хабарлама жасады.

Жиналыста ардагер ұстаздар мен аға буын өкілдері ақыл кеңестерін айтып, студенттерді құқық бұзушылықтар жасамауға шақырды.

️Қармақшы ауданы әкімінің баспасөз қызметі