Салық мәдениеті жақсара түсуі керек
qarmaqshy-tany.kz МЕМЛЕКЕТТІК КІРІСТЕР ОРГАНДАРЫНЫҢ НЕГІЗГІ МІНДЕТІ - БЮДЖЕТТІҢ КІРІС БӨЛІГІН ҚАМТАМАСЫЗ ЕТУ, САЛЫҚ ТӨЛЕУШІЛЕРГЕ ҚОЛАЙЛЫ ЖАҒДАЙ ЖАСАЙ ОТЫРЫП, МЕМЛЕКЕТТІК ҚЫЗМЕТТІ САПАЛЫ ЖӘНЕ УАҚЫТЫЛЫ КӨРСЕТУ, "КӨЛЕҢКЕЛІ" ЭКОНОМИКАНЫ БОЛДЫРМАУҒА ҚЫЗМЕТ ЖАСАУ, ҚОҒАМДАҒЫ САЛЫҚ МӘДЕНИЕТІН КӨТЕРУ.
Қазіргі таңда, ақпараттық және инновациялық технологиялар жаңарған сайын салықтық бақылау мен әкімшілендіруді жетілдіруге байланысты, бизнеске қолайлы, сапалы, мемлекеттік қызмет көрсету үшін, кірістер органдарымен жыл сайын цифрландыру жұмыстары жүргізіліп, ұдайы жетілдірілуде.
Осы орайда сәрсенбі күні аудандық кірістер басқармасында елімізде көлеңкелі экономиканы қысқарту, әлеуметтік саясатты жетілдіру, Мемлекеттік кірістер органдарының қызметін ақпараттандыру, сондай-ақ осы жылдың ІІ жартыжылдығына арналған жол картасы аясында Салық саласындағы өзгерістер мен толық тыруларға байланысты семинар өтті. Оған БАҚ өкілдері, қоғам белсенділері және жеке кәсіпкерлер мен заңды тұлғалар қатысты. Бірінші кезекте сала мамандары міндетті әлеуметтік төлемдерді мерзімінде төлеу қажеттігін ескертті. Сондай-ақ төлемді есептік ай көрсеткішінен кешіктірген жағдайда айыппұл арқалайтынын да тілге тиек етті. Жиын барысында кәсіпкерлікті жаңа бастаған бірқатар азаматтар өздерінің толғандырған сұрақтарын қойып, оған толыққанды жауап берілді.
Аталған жұмыстар жалғасын тауып, алдағы уақытта да түсіндірме жұмыстары жалғаса береді.
А.ЕРДҮЙСЕНҚЫЗЫ
