qarmaqshy-tany.kz Кәмелетке толмағандар арасында құқық бұзушылық, зорлық-зомбылық, суицид, ерте жүктілік, кибербуллинг, буллингтің алдын алу және бала қауіпсіздігін қамтамасыз ету бойынша білім беру қызметкерлері мен ата-аналардың бірлескен кездесу өтті. Кездесуді ауыл әкімі Э.Қазиева ашып, келген қонақтарды таныстырды.

Кездесуге Қармақшы ауданы бойынша білім бөлімінің білім беруді дамыту секторының меңгерушісі Ж.Алданова, ҚР ІІМ Байқоңыр қаласындағы өкілдігі бастығының орынбасары С.Әлиев, Байқоңыр қаласы көпбейінді ауруханасының гинеколог дәрігері А.Тукеева, ҚР ІІМ Байқоңыр қаласындағы өкілдігінің кәмелетке толмағандар жөніндегі инспекторы М.Мурзагалиева сонымен қатар, Ақай ауылдық ардагерлер кеңесі төрағасының орынбасары К.Күншығаров және білім саласының қызметкерлері мен №99 орта мектеп пен №279 мектеп-лицейінің жоғары сынып оқушыларының ата-аналары қатысты.

Өскелең ұрпақты жан-жақты дамытып, толыққанды тұлғаны қалыптастыру. Сондай-ақ балалардың өмір қауіпсіздігінің алдын алу, кәмелетке толмағандар арасында құқық бұзушылық, зорлық-зомбылық, суицид, ерте жүктілік пен кибербуллингтің алдын алу. Ұлттық құндылықты бойына дарытқан, елдің мүддесін ойлайтын ұлтжанды, рухани бай тұлға тәрбиелеу мақсатында кеңінен түсіндірме жұмыстары жүргізілді.