qarmaqshy-tany.kz Қармақшы ауданы бойынша білім бөліміне қарасты №106 орта мектебінде аудандық әкелер кеңесінің жоспарына сәйкес “Әке-шаңырақтың тірегі” атты тренинг өткізілді. Отбасындағы әке мен ер азаматтың рөлінің мәнін ұғындыру, әрбір тұлғаны тәрбиелеу туралы ой-пікірлермен бөлісу, отбасының ұйытқысы, негізгі тірегі әке екенін, әкеге деген сүйіспеншілікке тәрбиелеу. Бала мен әке арасындағы тығыз әрі ыстық байланысты ұғындыру мақсатында ұйымдастырылған тренингке аудандық ата -аналар комитетінің төрағасы, ата-аналар, мектепішілік ата-аналар комитетінің төрағасы, әкелер кеңесінің төрағасы, мектеп әкелері мен мұғалімдері қатысты. Тренинг барысында отбасы құндылықтарына байланысты бейнесюжеттер, ситуациялық сұрақтар қойылып, қатысушылармен кері байланыс жүргізілді. Тренинг соңында “Бір әкенің тәрбиесін жүз мектеп бере алмайды” деген нақыл сөзбен, әкенің мәртебесін көтеру жөнінде біраз тағылымды, мәнді әңгімелер өрбіді.