Әке - шаңырақтың негізгі тірегі

qarmaqshy-tany.kz Қызылорда облысының білім басқармасының Қармақшы ауданы бойынша білім бөліміне қарасты Ш.Уәлиханов атындағы № 26 орта мектебінде «Шапағат» әкелер кеңесінің «Әке-шаңырақтың негізгі тірегі» тақырыбындағы мектеп парламентінің басқаруымен конференция өткізілді.

Шараға аудан әкімінің орынбасары Ж.Ерқосаев, аудандық білім бөлімінің басшысы Г.Абдазиева, аудандық ата-аналар кеңесінің төрағасы Ә.Қаракөзиев және де арнайы шақырту алған қонақтармен қатар мектеп оқушыларының әкелер қауымы қатысты.

Тұлға қалыптастырудағы отбасы мен мектеп тұтастығы,тәрбие құндылығындағы әке орны, мектеп қабырғасында озық білім берумен қатар саналы ұрпақ тәрбиелеудегі жүргізіліп отырған жұмыстар көрсетіліп, мектеп парламентінің қатысуымен өткізілген «Әкенің ізгі жолы» сахналық қойылымы, «Әкесі жақсының-ұстанымы жақсы» тренингі,

ашық пікір алаңы, сұрақ -жауап кезеңдері бойынша жұмыстар көрсетіліп, келген қонақтармен ашық сұхбаттар жүргізілді.

Сондай-ақ, отбасындағы әке мен бала үндестігі,бала бойындағы асыл қасиеттердің қалыптасуы, әке жылуы, әке алақанының маңыздылығы аясында қатысушы қонақтар мен мектеп әкелері арасында кері байланыс орнатылып, әке тәрбиесі барысындағы өз ойларын ортаға салды.