qarmaqshy-tany.kz «Әке – асқар тауың» дейді дана халқымыз. Әр шаңырақта әкенің орны ерекше. Әке шаңырақтың тірегі. Әке отбасының асыраушысы, отбасы мүшелерінің тірегі, қaмқоршысы. Әкенің мінез-құлқы, өзгелермен қарым-қатынасы, өнері мен білімі – баланың көз алдындағы үлгі, өнеге алатын, оған қарап өсетін нысанасы. Отбасының береке-бірлігі, ынтымағы отағасының әділ, ұстамды болуы орасан маңызға ие. Студенттерге отбасындағы әке мен ер азаматтың ролін ұғындыру, әрбір тұлғаны тәрбиелеу туралы ой-пікірлермен бөлісу, отбасының ұйытқысы, негізгі тірегі әке екенін, әкеге сүйішпеншілікке тәрбиелеу мақсатында Қармақшы аграрлы-техникалық колледжінде «Машина мен механизмдерді жөндеу және пайдалану мастері» біліктілігі бойынша Мм-22/9 оқу тобының студенттерінің қатысуымен, өндірістік оқыту шебері А.Досболовтың өткізуімен «Әке шаңырақтың негізгі тірегі» тақырыбында семинар болып өтті. Шара барысында студенттер әке тәрбиесі мен әкенің отбасы институтындағы рөлі, маңызы туралы, әкенің қадірі жөнінде пікір алмасты.