«Әке-шаңырақтың негізгі тірегі» атты мектепішілік әкелер кеңесінің конференциясы өткізілді
qarmaqshy-tany.kz Қармақшы ауданы Жосалы кенті орталығындағы Шоқан Уәлиханов атындағы №26 қазақ орта мектебінде әкелер кеңесінің конференциясы өткізілді.
Жиында мектеп парламентінің ұйымдастыруымен қазіргі қоғамдағы әкенің рөліне, әкенің отбасындағы орнының ерекше екендігіне, қазақ отбасындағы тәрбиеде әке ұл балаға, ана қыз балаға жауапты болады деп қалыптасқандығы сондықтанда қазақ атамыз «Ұлдың ұяты әкеде, қыздың ұяты шешеде» деп бекер айтылмағанын, баланың бойындағы ер мінезділік, өжеттілік, мәрттік қасиеттер әке арқылы қалыптасатынын яғни әкенің бала тәрбиесіне көбірек ат салысуы өте маңызды екені айтылса, адамға ой салатын, мән-мағынасы бар қазақ отбасындағы тәрбиенің көрінісі ретінде сахналық қойылымдар қойылды.
Жиын барысында мектеп психологымен шағын тренинг ұйымдастырып, онда қатысып отырған әкелерге сұрақтар қойып, әкелер тарапынан белсенділік танытқандарға марапат қағаздары табысталды.
Қармақшы ауданының Полиция бөлімі
Жергілікті полиция қызметі бөлімшесі
