№79 негізгі мектебінде "Кел, баланы бірге тәрбиелейік!" тақырыбында тренинг-семинар өткізілді. Мақсаты: ата аналар мен балалардың өнерге деген қызығушылықтарын арттыру және біріккен шығармашылық жұмысын қалыптастыру, жас ұрпақтың тәрбиесін бірге жетілдіруге ат салысу. Тренинг барысында 7 сынып жетекшісі Н.Жолдыбаева "Мен бақытты әкемін" тақырыбында тренинг жүргізсе, " Шапағат әкелер одағының" жетекшісі Е.Ержанов "Отбасы-адамзат тербеткен ұя" тақырыбында дөңгелек үстел өткізді. Тренинг барысында бала тәрбиесі жөнінде әкелер маңызды пікірлер білдіріп, ой бөлісті. Сонымен қатар семинар тренинг қорытындысы ретінде балаларының жетістігімен марапаттары атап өтіліп, ата аналар өз ризашылықтарын білдірді.