"Жастығын жалын шарпыған"

qarmaqshy-tany.kz Кеңес әскерлерінің Ауған жерінен шығарылғанына 34 жыл толуына орай Қуаңдария ауылдық округінің клубында "Жастығын жалын шарпыған" атты ауған ардагері Оспанов Бақытжан ағамен кездесу кеші өтті. Кеште әйелдер кеңесінің төрайымы Баймаханова Салтанат апай, шекара бөлімінен майор Апушев Мақсат Балғабекұлы құттықтау сөз сөйледі. Қуаңдария шекара бөлімінің бастығының м.у. а майор Азамат Арманұлы Құмарбек ҚР ҰҚК Шекара қызметі Қызылорда облысы бойынша Департаменті Қуаңдария шекара бөлімі атынан алғыс хат табыстады.Ардагер ағамыз сұрапыл соғыста болған кездері туралы естен кетпес әңгімелері айтылды. Оқушылардың өлеңдері оқылып, 10 сынып оқушысы Ләйла Темірбекова автоматты шашып жинау әдісін көрсетті.