"Отты жылдар тарихы сыр шертеді"

Аудандық орталық кітапхананың оқырмандарға қызмет көрсету бөлімінің ұйымдастыруымен Кеңес әскерлерінің Ауғанстан жерінен шығарылғанына 30 жыл толуына Ауған соғысы ардагерлерінің қатысуымен "Отты жылдар тарихы сыр шертеді" атты кездесу кеші болып өтті. Кеште "Тарихтан тағылым - өткенге тағзым" кітап көрмесі таныстырылды. Өткізілген кештің сценарийі Сыр елінің тумасы, "Айбын", "Құрмет", "За заслуги", "Долг и честь" ордендерінің иегері, ақын, жазушы Бақытбек Смағұлдың "Тағдыр тозағы" кітабының желісі бойынша жазылды. Кешке Ауған соғысының ардагерлері Ерманов А., Жалмағамбетов Ә., Исаханов Б., Жесіғұлов Е., Ақтаев Б., Мейірманов М., аудандық қорғаныс істері жөніндегі бөлім бастығы капитан Тұрғанов Р., Нұр Отан партиясының Қармақшы аудандық филиалының сарапшысы Пірназарова Д., аудандық "Қармақшы таңы" газетінің қызметкері Жанәділов Н.,аудандық мәдениет және тілдерді дамыту бөлімінің қызметкері Байкөбекова Г., кітапханашылар, Агро техникалық колледжінің студенттері, Алматы қаласындағы Құрлық әскерлерінің әскери институтының 2-3 курсының курсанттары Бөгенбаев М., Елібаев А., №26 Ш.Уәлиханов атындағы орта мектептің оқушылары, мұғалімдері және кітапханашылары, кітапхана оқырмандары қатысты. Кеш барысында Бақытбек Смағұлдың "Мен көрген соғыс" кітабының желісі бойынша фильмінен үзінді көрсетілді. Келешегіміз бен жарқын болашағымыздың жалындаған жас ұрпақтары №26 мектептің 8 сынып оқушылары Ауған соғысына арналған өлеңдерін жатқа айтса, 10 сынып оқушылары Әлиасқаров Н. пен Жарылқасынов Р.- дар гитарамен ән шырқады. Бұқарбаев Р. АК74 автоматын шашып, жинап көрсетті. Оқушылар Ауған соғысы ардагерлерінің қолынан алғыс хатпен марапатталды.