qarmaqshy-tany.kz Қазақстан Республакасының «Тұрмыстық зорлық-зомбылық профилактикасы туралы» Заңына сәйкес, қорғау нұсқамасы тұрмыстық зорлық-зомбылықтың жеке профилактикасы шараларының бірі болып табылады және оны бұзу Қазақстан Республикасының Әкімшілік құқық бұзушылық туралы кодексінде белгіленген жауаптылыққа әкеп соғады. Қорғау нұсқамасы зорлық зомбылықтың алдын алады.

Кейде тұрмыстық зорлық зомбылық көрген әйел полиция қызметкеріне шағым жасамай-ақ жолдасын кешіре салады. Мұндай жағдайда агрессормен профилактикалық әңгімелесу болады, яғни отбасыны есепке алып, бір ай бойы профилактикалық жұмыс жүргізіледі.

Қорғау нұсқамасы ол шығарылған кезде он алты жасқа толған, есі дұрыс адамға қатысты шығарылады.өзіне қатысты қорғау нұсқамасы шығарылған адамды ішкі істер органдары профилактикалық есепке қояды және оған профилактикалық бақылау жасауды жүзеге асырады. Сонымен қатар, өтіп жатқан «Профилактика апталығы» жедел профилактикалық іс шара барысында бөлімнің ЖПҚб-нің Әйелдерді зорлық зомбылықтан қорғау тобының инспекторы полиция капитаны А.Касимова қорғау нұсқамасына алынған азаматшамен консультативтік құқықтық кеңеңс беруде. Осы және өзге де мәселелер жөнінде аудан полицейлері тұрғындарға тереңірек түсіндіру жұмыстарын кең ауқымда жүргізуде.

Егер де Сіз отбасындағы зорлық-зомбылыққа душар болсаңыз үнсіз қалмаңыз! Сіздер үшін арнайы сенім телефоны тәулік бойы кез-келген нөмірден тегін жұмыс жасайды. Сенім телефоны: «102» арнасы, 8-778-283-09-54.

Қармақшы АПб-мі ЖПҚб-нің ӘЗЗҚт-ы