Профилактика мәселесі талқыланды
qarmaqshy-tany.kz Аудан прокуроры М.Маханбетжановтың төрағалығымен аудан көлеміндегі қылмыстық құқық бұзушылық профилактикасы мәселесіне қатысты ведомствоаралық мәжіліс өткізілді.
Мәжіліске аудан әкімінің орынбасары, полиция, пробация және аудандық білім бөлімі басшылары және қызметкерлері қатысты.
Күн тәртібіндегі құқық бұзушылық профилактикасы бағытында атқарылған және алдағы уақытта атқарылуы тиіс жұмыстар кеңінен талқыланды.
Жыл басынан тіркелген қылмыстардың өткен жылмен салыстырғанда айтарлықтай өсуі, оның ішінде алаяқтық және кәмелетке толмағандарға қарсы (олармен) жасалған қылмыстардың ерекше өсуіне жеке тоқталып, проблемалық мәселелерді шешу жолдары қарастырылды. Сонымен қатар білім беру ұйымдарының басшыларына полиция қызметкерлерімен бірлесіп, балалардың жолдағы қауіпсіздігін қамтамасыз етуге шаралар қолдану тапсырылды.
Жиын соңында жыл басынан ерекше өсім алған алаяқтық қылмыстарына тосқауыл қою мәселесі бойынша әрбір органға нақты міндеттер жүктелді.
"Қт" ақпарат
