qarmaqshy-tany.kz Қармақшы ауданы бойынша аудандық білім бөліміне қарасты №108 орта мектебінде мамандық таңдауда бағыт–бағдар алу мақсатында аймақтық «Мамандығым – мақтанышым» сала мамандарымен кездесу кеші болып өтті.

Аймақтық шараға аудандық білім беру ұйымдарының бейінді орынбасарлары және әртүрлі сала мамандары қатысты.

Салтанатты кешті мектеп директоры Құндызай Жұматайқызы ашып, келген қонақтарға, оқушыларға өзінің ыстық лебізін білдірді. Кездесу барысында арнайы тренингтер, «Ұшқыр ой алаңы» оқушыларының дебаты, «Введение в мир профессий» тақырыбында танымдық сабағы, «Мамандық әлеміне саяхат» тақырыбында сынып сағаты және «Мың мамандық бәрі бар, Таңдап, талғап бірін ал!» әр түрлі сала мамандарымен кездесу кешінде ашық сұхбаттар жүргізілді.

Оқушылар кешке үлкен дайындықпен келіп, жоғары белсенділікпен қатысты.