Тұрақты кеңес отырысы өтті

Аудан әкімдігінде тұрақты кеңестің кезекті отырысы өткізілді. Оған аудан әкімінің орынбасары Жұлдызхан Ерқосаев төрағалық етті. Жиынға бөлім, мекеме басшылары, кент, ауылдық округ әкімдері қатысты.

Күн тәртібіндегі бірінші мәселе «Оқушылардың жазғы демалыстарын ұйымдастыру және мектеп бітіруші түлектердің Ұлттық бірыңғай тестілеуге дайындық жұмыстары туралы» аудандық білім бөлімі басшысының міндетін уақытша атқарушы Гүлзия Дүйсембаеваның хабарламасы тыңдалды. «Ауданға инвестиция тарту бағытында алдағы уақытта атқарылатын шаралар туралы» аудандық экономика және бюджеттік жоспарлау бөлімінің басшысы Жанар Ниматулла баяндаса, аудандық ішкі саясат бөлімінің басшысы Самат Смағұлов «Қармақшы ауданы бойынша 2022 жылдың ІІ жартыжылдығына баспасөзге жазылу барысы туралы» хабарлады.

Мәжіліс барысында хабарламашыларға сұрақтар қойылып, ұсыныс-пікірлер айтылды. Кеңес отырысын аудан әкімінің орынбасары Жұлдызхан Ерқосаев қорытындылап, тиісті бөлім басшыларына тапсырма берді.