Қазақстандық оқушылар Дүниежүзілік гимназиададан 72 медаль жеңіп алды
Қазақстандық оқушылар Дүниежүзілік гимназиададан 72 медаль алып үлгерді. Оның 28-і алтын, тағы 28-і күміс және 16-сы қола, деп хабарлайды Egemen.kz. Бұл туралы ҚР Білім және ғылым министрі Асхат Аймағамбетов өзінің Telegram арнасында жазды.
«Оқушыларымыз таеквондо, жүзу, жеңіл атлетика, дзюдо, еркін күрес, семсерлесу, көркем гимнастика, спорттық гимнастика, садақ ату, бокс және әйелдер күресінен өткен жарыстардың жеңімпаздары мен жүлдегерлері атанды.
Қазақстандық білім алушылар мектеп оқушыларына арналған Дүниежүзілік гимназиадаға алғаш рет қатысып отырғанын еске сала кетейін.
Бүгін Нормандияда жарыстың соңғы күні өтеді. Командаға күш-жігер, қайрат және жаңа жеңістер тілеймін. Біз сендерді мақтан тұтамыз!», деп жазды министр.
