Осыдан бір айға жуық уақыт бұрын кентіміздің тұрғыны Бауыржан Нұрхановтың үйі от құшағына кетіп, баспанасыз қалған болатын. Абырой болғанда адам шығыны болмады. Ауыр жағдай кент тұрғындарын бей-жайсыз қалдырмады. Аудан әкімі, аудандық мәслихат, "Демеу" еріктілер тобы, мешіт жамағаты, Зекет қоры, мектеп ұжымдары және басқа да жомарт жандардың қолдауымен қомақты қаржы жиналып, баспана алынды.

Қасиетті Рамазан айында қуанышты сәтті бөлісуге арнайы аудан әкімі Әділбек Ерсұлтанов, аудан әкімінің орынбасары Жұлдызхан Байназаров, "AMANAT" партиясынан мәслихат депутаты Әділ Қошалақов және "Қармақшы ата" мешітінің бас имамы Өміржан Тобжанов келіп, баспана кілтін табыстады.