Мәуліт – мейірім мерекесі (фоторепортаж)

Бүгін аудан орталығындағы "Қармақшы ата" мешітінде мәуліт мерекесі өтті. Мейірім мерекеге облыстық "Ақмешіт-Сырдария" мешітінің наиб имамы Ислам Қаюпов, "Зекет" қайырымдылық қорының облыстағы өкілі Оңталап Жидебаев, аудан әкімінің орынбасары Жұлдызхан Ерқосаев және "Қармақшы ата" мешітінің бас имамы Жақсыбек қажы Әбиұлы қатысып, кент тұрғындарын мерекемен құттықтады. Аталмыш шара барысында тұрмысы төмен баспанаға мұқтаж отбасыға 463-ші баспана кілті табыс етіліп, сый-сияпат жасалды. Сонымен қатар 1973 жылы туылған аудан азаматтары мүшел жасқа аяқ басқан кейінгі толқын 1974 жылғы азаматтарға игілікті істі жалғастыруға аманат хатты тапсырды.