Алдашбай ахун ауылында тың серпін
Облыс әкімінің орынбасары Жаханов Бахыт Дүйсенұлы аудан орталығынан шалғай орналасқан Алдашбай ахун ауылына жұмыс сапарымен келді. Іссапар аясында ауыл шаруаларымен кездесіп, егіс алқабына су жеткізу мәселесін талқылады. Шаруашылықтардың ұсынысына сәйкес облыс әкімінің орынбасары егістікке қосымша су жеткізу үшін 2 дизельді насос құрылғысын орнату жөнінде тиісті сала басшыларына тапсырма берді.
Биыл шаруашылық жұмысына тың серпін беріп, ауыл халқына демеу болу мақсатында инвестор келді.
Қазіргі таңда шаруашылықпен егістікке 150 гектар жоңышқа егілді. Алда тағы 150 гектар егуді жоспарлап отыр. Сондай-ақ, ауыл тұрғындары 40 гектарға жуық жерге бау-бақша өнімдерін егуге дайындық жұмыстарын бастап кетті.
