Ауданда балалар жылының ашылу салтанаты өтті
Шәмшат Төлепова атындағы аудандық мәдениет үйінде «Наурызға шашу» атты 2022 жыл – Балалар жылының ашылу салтанаты өтті.
Салтанатты жиында аудандық мәслихат хатшысы Әділ Үсенұлы ашып, жас бүлдіршіндерді құттықтап, бақытты балалық шақ тіледі.
Мерекелік кеште бабалар дәстүрін бүгінмен тоғыстырған ұлы өнер көшінің жалғастырушылары жас жырауларымыз жырдан шашу-шашып, жас балдырған өнерпаздар өз өнерлерін көрсетті. Сондай-ақ, облыстық және республикалық байқауларда топ жарып жүрген «Бастау» би тобы қатысып, «Томирис» би композициясын орындады.
Сонымен бірге, салтанатты іс-шара аясында балалар жылына арналған өнерлі балалардың шығармашылық туындылары мен қол өнер бұйымдарынан арнайы көрме қойылды.
