Жақында осындай тақырыппен Шәмшат Төлепова атындағы аудандық мәдениет үйінде  8 наурыз – Халықаралық  әйелдер күніне байланысты мерекеліксалтанатты жиын өтті.
Аудан көркемөнерпаздарының «Анаға арнау» атты  ұйымдастырылған мерекелік қойылыммен басталған салтанатты жиында аудан әкімінің орынбасары ӘділҚошалақов аналар мен қыз-келіншектерді мерекелерімен құттықтап, ауданэкономикасын нығайтуда және өңір тұрғындарының әлеуетін арттыруда аналар қауымының қосқан сүбелі үлестері жайлы айтып,  олардың өнегелі өмір жолдары жайлы әңгімеледі.  Сонымен бірге,  бар саналы өмірін туған елінің өркендеуіне арнап, ел құрметтісі атанған бір топ абзал жандарға аудан әкімінің алғыстарын тапсырып, гүл шоқтарын ұсынды.
Мерекелік салтанат барысында оған қатысушылар   ЛЭТ экран арқылы  бүгінде Астана қаласында тұрып жатқан есімі елімізге белгілі жырау,  Қазақстанға еңбек сіңірген қайраткер Алмас Алматов пен Ресейдің Қазан қаласында жоғары білім алып жүрген бір топ жастарымыздың аналарға арнап жолдаған мерекелік құттықтауын тамашалады.
Сондай-ақ, салтанатты жиында  Елбасының «Болашаққа бағдар: руханижаңғыру» бағдарламалық мақаласының «Туған жерге тағзым»  кіші бағдарламасы аясында концерттік бағдарламамен туған елге келген қазақ эстрадасының жұлдызы,жерлесіміз  Ерболат Ержанбаев және Оңтүстік Қазақстан облысынан өнерпаздары «Мақсат пен Мақсат» тобымен бірге қармақшылық әншілер  әннен шашу шашып, мерекенің ажарын ашты.
Салтанатты жиында барлық аналар мен қыз-келіншектерге аудан әкімінің ықылас гүлі табысталды.