ЖАРЫС САЛТАНАТТЫ ТҮРДЕ АШЫЛДЫ

1941-1945 жылдарғы Ұлы Отан соғысының аяқталғанына 75 жыл толуына орай және самбо күресінен ересектер арасында КСРО Батыры Тәйімбет Көмекбаевты еске алу мақсатында өтіп жатқан халықаралық мемориалдың ашылу салтанаты өтті.

Киелі Қармақшы өңірі баршатұрғындарының назарын аударған дүбірлі доданы облыстық мәслихат хатшысы Наурызбай Байқадамов ашып, жарысқа қатысушылар мен оны тамашалуға жиналған қармақшылықтарды, сонымен бірге қонақтарды айтулы спорт мерекесімен құттықтап, сәттілік тіледі.

Сондай-ақ, салтанатты шарада самбо күресінің ҚР мемлекеттік жаттықтырушысы Асылбек Какенов пен батыр атамыздың туысқандары атынан сөз алған Ардашер Шәйімбетов спорт мерекесіне жиналған спортсүйер қауымға өздерінің жылы лебіздерін білдірді.

Шара барысында спортшылар мен қонақтарға арнап аудан көркемөнерпаздары ән мен жырдан шашу шашты

Нұр ЖАН.