Партия филиалының актив отырысы
МЕМЛЕКЕТ БАСШЫСЫ, «AMANAT» ПАРТИЯСЫНЫҢ ТӨРАҒАСЫ ҚАСЫМ-ЖОМАРТ ТОҚАЕВ ПАРТИЯНЫҢ КЕЗЕКТЕН ТЫС ХХІІ СЪЕЗІНДЕ МАҢЫЗДЫ БІРҚАТАР МІНДЕТ ЖҮКТЕГЕНІ БЕЛГІЛІ. ОСЫҒАН ОРАЙ ЖАҚЫНДА ЖАҢА ҚАЗАҚСТАНДЫ ҚҰРУ ЖОЛЫНДА ПАРТИЯНЫҢ ҚЫЗМЕТІН ЖАҢҒЫРТУ БОЙЫНША АУДАНДЫҚ ПАРТИЯ ФИЛИАЛЫНЫҢ АКТИВ ОТЫРЫСЫ ӨТТІ.
Оған партия ардагерлері, аудандық Саяси кеңес мүшелері, аудандық мәслихат депутаттары, дербес бөлім басшылары, бастауыш партия ұйымының төрағалары және жастар қатысты.
Алғашқы болып баяндама жасаған аудан әкімінің міндетін атқарушы Жұлдызхан Ерқосаев партияны модернизациялаудың басым бағыттарына сай атқарылатын жұмыстар легі мен ауданда Жол картасының іске асырылуы жөнінде айтып өтті.
Одан соң партияның атқарылған жұмыстары, негізгі бағыттары туралы аудандық партия филиалының атқарушы хатшысы Дастан Бухановтың хабарламасы тыңдалды. Сонымен қатар, партияның бүгінге дейін жеткен жетістіктері мен жаңғыру жұмыстарын қолдайтынын білдіріп партия ардагері Әбдірахман Құлдүйсенов, партия филиалының Партиялық бақылау комиссиясының төрағасы, аудандық мәслихат депутаты Айдынбек Скендіровтер сөз сөйледі.
Жаңғыру жұмыстарында ерекше назар аударылатын мәселе бұл – жастармен жұмыс. Олар партияның сабақтастығы мен оның алдағы көшбасшылығын қамтамасыз етудің кепілі. Осы ретте, аудандық Жастар ресурстық орталығының директоры, «Жасталап» бастауыш партия ұйымының төрағасы Сырым Әділбеков партиялық жаңғырудағы жастар мен жас депутаттар корпусының алдында тұрған міндеттер туралы нақты айтып берді.
Жиын қорытындысында партияны жаңғыртудағы жеті басымдыққа сәйкес, тапсырмалар жүктелді.
"ҚТ" ақпарат
