Мемлекет басшысы, «AMANAT» партиясының төрағасы Қасым-Жомарт Тоқаев партияның кезектен тыс ХХІІ съезінде маңызды бірқатар міндеттерді жүктеді. Осыған орай бүгін жаңа Қазақстанды құру жолында жаңа партияның қызметін жаңғырту бойынша аудандық партия филиалының актив отырысы өтті.

Актив отырысына партия ардагерлері, аудандық Саяси кеңес мүшелері, аудандық мәслихат депутаттары, дербес бөлім басшылары, бастауыш партия ұйымының төрағалары және жастар өкілдері қатысты.

Алғашқы баяндама жасаған аудан әкімінің уақытша міндетін атқарушы Ерқосаев Жұлдызхан Байназарұлы партияны модернизациялаудың басым бағыттары бойынша атқарылатын жұмыстары және аудан бойынша Жол картасының іске асырылуы жөнінде тоқталып өтті.

Одан кейін партияның атқарылған жұмыстары, партияның жұмысын жаңғыртудың негізгі бағыттары туралы аудандық партия филиалының атқарушы хатшысы Буханов Дастан Әбдібекұлы хабарлама жасады.

Сонымен қатар, партияның бүгінгі күнге дейін жеткен жетістіктері және жаңғыру жұмыстарын қолдауы туралы партия ардагері Ә.Құлдүйсенов, партия филиалының Партиялық бақылау комиссиясының төрағасы, аудандық мәслихат депутаты А.Скендіров сөз сөйледі.

Жаңғыру жұмыстары барысында ерекше назар аударылатын мәселе бұл жастармен жұмыс. Жастар партиямыздың сабақтастығы мен оның алдағы көшбасшылығын қамтамасыз етудің кепілі. Осы ретте, аудандық жастар ресурстық орталығының директоры, «Жасталап» БПҰ төрағасы Әділбеков Сырым Смаилұлы партиялық жаңғырудағы жастар мен жас депутаттар корпусының алдында тұрған міндеттер туралы сөз алды.

Сондай-ақ, жиын соңында партияны жаңғыртудағы жеті басымдық бойынша бірқатар тапсырмалар жүктелді.