Партияның кезектен тыс ХХІІ съезі өтті

Партиямыздың кезектен тыс 22-ші Съезі өтті. Съезге еліміздің түкпір-түкпірінен 393 делегаттар қатысты.
Үстіміздегі жылдың 28 қаңтарында өткен Съезде Партия Төрағасының модернизациялау бойынша берген тапсырмасы аясында дайындалған бағдарламаны талқыладық, оны Съезд делегаттары бірауыздан қолдады.
Осыған орай Парламент Мәжілісіндегі «Nur Otan» партиясы Фракциясының Төрағасы Ерлан Жақанұлы Қошанов партияның атауын «AMANAT» деп өзгерту туралы ұсыныс білдірді.
Партия Төрағасы Қасым-Жомарт Кемелұлы Тоқаев бұл ұсынысқа қолдау білдірді, партияның жаңа атауын Съезд делегаттары да бірауыздан қолдады.
Съездің шешімімен партияның Жарғысына тиісті өзгерістер енгізіліп, жаңа атауы мен белгісі бекітілді.
Бұл – Жаңа Қазақстанды құру жолында жаңарған партиямызға берілген айрықша жауапкершілік пен көрсетілген зор сенім деп есептеймін.