Бүгін аудан әкімдігінде "Nur Otan" партиясы аудандық филиалының кезектен тыс ХХХІІ конференциясы өтті. Оған ауданының әкімі Нұртай Қайрат Ырзақұлұлы, аудандық партия филиалы төрағасының бірінші орынбасары  Дастан Буханов, Саяси кеңесі Бюросының мүшелері, аудандық мәслихат депутаттары, және бастауыш партия ұйымдарынан сайланған делегаттар қатысты. Конференцияның күн тәртібінде екі мәселе қаралды. Біріншісі – "Nur Otan" партиясы Қармақшы аудандық филиалының төрағасын сайлау туралы, екіншісі – "Nur Otan" партиясы Қармақшы аудандық филиалы Саяси кеңесінің құрамына өзгеріс енгізу туралы.

Партияның қоғамдық бірлестігі Жарғысының 9.6. тармағына сәйкес "Nur Otan" партиясы қоғамдық бірлестігі аудандық филиалының кезектен тыс ХХХІІ конференциясының қаулысы бойынша аудан әкімі Қайрат Ырзақұлұлы "Nur Otan" партиясы аудандық филиалының төрағалығына және Саяси кеңестің құрамына сайланды. Конференцияның күн тәртібіне ұсынылған мәселелер толығымен қаралып, тиісті қаулылар қабылданды.