Аудандық партия филиалының кезектен тыс ХХХІІІ конференциясына аудан әкімі Қайрат Нұртай, аудандық партия филиалы төрағасының бірінші орынбасары Дастан Буханов, Саяси кеңес, Саяси кеңес Бюросының мүшелері, аудандық мәслихат депутаттары, бастауыш партия ұйымдарынан сайланған делегаттар қатысты.

Конференцияныӊ күн тәртібінде Төретам кенті әкімінің сайлауына партия атынан ұсынылатын кандидаттарды бекіту, аудандық партия филиалы Саяси кеңесінің құрамын сайлау туралы мәселелер қаралды.

Жиын барысында Төретам кенті әкімінің сайлауына партия атынан ұсынылатын кандидат бекітілді. Сондай-ақ, аудандық партия филиалы Саяси кеңесінің құрамы сайланды. Конференцияның күн тәртібіне ұсынылған мәселелер толығымен қаралып, тиісті қаулылар қабылданды.