Еліміздің жарқын болашағы үшін, жаңа үлгідегі қадам басуы, көптің ойында жүрген үлкен мақсаты болатын сол үмітіміздің бастауы деп ойлаймын. Күні кеше президентіміз Қасым-Жомарт Кемелұлы Тоқаев еліміздің жетекші партиясының кезектен тыс съезін өткізді, ондағы мақсат партия атауының ғана өзгеруі емес оның бүкіл құрылымы мен әр депутаттың мейлінше жауапкершілігін арттыру мақсатында өткізілді деп есептеймін. Халық пен билік арасындағы байланысты арттыру, қандай іс болсада шынайылықпен жұмыс жасауға бағыттау екені белгілі.

Шынында ата-бабамыздың аманатын арқалау үлкен жауапкершілік, аманатқа қиянат жасауға болмайтынын ес білген баладан, еңкейген қарияға дейін біледі бірақ соны алып жүру тек депутаттар ғана емес ел болып, әр бір сала мамандары болып бірігіп жұмыс істегенде ғана жеңіске бірге жетеміз.

Партиямыздың негізгі мақсаты осы. Кешегі жаңғыртуға байланысты қабылдаған жеті негізгі басымдықта барлық талаптар толық қаралған, ендігі бізге берілген тапсырма осыны мүлтіксіз орындау және міндеттіміз.

Еліміздің жарқын болашағы үшін, жаңа Қазақстанды құру үшін бір кісідей жұмылайық ағайын.

Тіршіліктің бастауы болатын Наурыз айы елімізге амандық пен тыныштық әкелсін.