Штаб мүшелері ауыл тұрғындарымен кездесті

Президенттікке кандидат Қасым-Жомарт Тоқаевтың сайлауалды бағдарламасын түсіндіру мақсатында штаб мүшелері ІІІ Интернационал, Иіркөл, Жаңажол, Қармақшы ауылдық округінде болып, ауыл тұрғындарымен кездесті.

Кездесуді аудандық қоғамдық штабтың мүшелері, сенімді өкілдері Қ.Есдәулетов, С.Медеуов, К.Раева, Ә.Сағатовтар қатысып, штабтың мақсаты мен міндеттері жайлы айтты. Сондай-ақ, Қасым-Жомарт Кемелұлы әлеуметтік мәселеге терең мән беріп, халықтың көңіл-күйін сезе білетін көшбасшы. Сонымен қатар, Ол Елбасы Н.Назарбаевтың халық алдындағы стратегиялық жобасын бірден-бір жалғастырушы. Елбасының сенімін ақтап, сыртқы істерді ыңғайластырған, барлық елдермен дипломатиялық қарым-қатынастарды орнатқан да Қасым-Жомарт Кемелұлы екендігіне тоқталды. 

Қазақстан Республикасы Президенттігіне үміткер Қасым-Жомарт Кемелұлы Тоқаевтың сенімді өкілдері Президенттікке кандидат Қасым-Жомарт Тоқаевтың мемлекеттің түбегейлі міндеті әрбір адамға сапалы, жайлы, заманауи, лайықты өмір сүру жағдайларын жасауға ықпал ету деп санайды. Біздер де сіздерді тарихтың жаңа бетін ашуға шақырамыз. Ел болашағы біздің қолымызда» – деді.

Кездесуге қатысушылар еліміздің жарқын болашағы үшін қолдайтындықтарын жеткізді.