ҚР Президенттігіне кандидат Қ.К.Тоқаевтың Қармақшы ауданындағы штабының мүшелері Тұрмағамбет ауылында еңбек ұжымымен кездесті. Шараны ҚР Президенттігіне кандидат Қ.К.Тоқаевтың Қармақшы ауданындағы штаб төрағасы, сенімді өкілі Д.Буханов ашып жүргізіп, Қасым-Жомарт Тоқаевтың өмір деректері туралы мағлұмат берді. Сонымен қатар, штаб мүшесі, сенімді өкіл аудандық ветеринариялық станциясының директоры Н. Бисембаев, Қ.К.Тоқаевтың Тұрмағамбет ауылындағы сенімді өкілі, Т.Ізтілеуов атындағы №29 орта мектеп директоры З.Тасымова сайлауалды бағдарламасын жіті түсіндіріп, ел үшін атқарған маңызды жұмыстары туралы айтып өтті. Кездесу барысында ауыл тұрғындары ҚР Президенттігіне кандидат Қ.К.Тоқаевтың кандидатурасын толық қолдайтындығын және 9 маусым күні өтетін сайлауға бірауыздан қатысатындарын жеткізді.