Штаб мүшелері бюджеттік сала қызметкерлерімен кездесті
ҚР Президенттігіне кандидат Қ.К.Тоқаевтың Қармақшы ауданындағы штабының мүшелері Ш.Төлепова атындағы аудандық мәдениет үйінде бюджеттік сала қызметкерлерімен кездесті. Шараны ҚР Президенттігіне кандидат Қ.К.Тоқаевтың Қармақшы ауданындағы штаб төрағасы, сенімді өкілі Д.Буханов ашып жүргізіп, Қасым-Жомарт Тоқаевтың өмір деректері туралы мағлұмат берді. Сонымен қатар, штаб мүшелері, сенімді өкілдері аудандық ардагерлер кеңесінің төрағасы Қ.Есдәулетов, аудандық аурухананың бас дәрігері Б.Нысанбаев, аудандық оқушылар үйінің директоры И.Әбдібекова, Жастар ресурстық орталығының директоры Ә.Ыбрахым сайлауалды бағдарламасын жіті түсіндіріп, ел үшін атқарған маңызды жұмыстары туралы айтып өтті. Кездесу барысында Жосалы кентінің тұрғыны, ардагер Иса Бисенов ҚР Президенттігіне кандидат Қ.К.Тоқаевтың кандидатурасын толық қолдайтындығын және 9 маусым күні өтетін сайлауға бірауыздан қатысуға шақырды.
