Лайықты таңдау

Байқоңыр қалалық қоғамдық штаб мүшелері, ҚР Президенттігіне кандидат Қ.К.Тоқаевтың сенімді өкілдері «Бәйтерек» Қазақстан-Ресей бірлескен кәсіпорны АҚ «Байқоңыр» кешеніндегі филиалының ұжымымен кездесу өткізді. Қалалық қоғамдық штаб төрағасы Б.Бекпанов сөз сөйлеп, ҚР Президенттігіне үміткер Қ.К.Тоқаевтың сайлауалды бағдарламасын кеңінен түсіндіріп өтті. Сонымен қатар «Болашақ» бастауыш партия ұйымының төрайымы Қ.Құрманбаева ел үшін еткен еңбектерін атап өтті. Және де облыстық мәслихаттың депутаты А.Дауленбаев 9-маусым күні сайлауға ұйымшылдықпен, бір кісідей қатысуға шақырып, лайықты таңдау жасауға үндеді.