2022 жылға арналған мемлекеттік баж көлемі

2022 жылы 1 қаңтардан бастап айлық есептік көрсеткіш (АЕК) 3 мың 063 теңге көлемін құрайды («2022-2024 жылдарға арналған республикалық бюджет туралы» Заң).
Осыған байланысты, көші-қон саласындағы келесі мемлекеттік қызметтер беру үшін мемлекеттік баж:
- Жеке басты куәландыратын құжаттарды беру үшін: Қазақстан Республикасы азаматының паспорты, азаматтығы жоқ адамның куәлігі – 24 мың 504 теңге (8 АЕК); Қазақстан Республикасы азаматының жеке куәлігі, шетелдіктің Қазақстан Республикасында тұруына ықтиярхаты – 612 теңге 60 тиын (0,2 АЕК);
- «Қазақстан Республикасының азаматтығын алуды, қалпына келтіруді және одан шығуды тіркеу» - 3 мың 063 теңге (1 АЕК); - «Қазақстан Республикасында тұрақты тұруға рұқсат беру» – 12 мың 252 теңге (4 АЕК);
- «Қазақстан Республикасының визаларын беру бойынша қабылдаушы тұлғалардың шақыруларын қабылдау және келісу» - 1 мың 531 теңге 50 тиын (0,5 АЕК);
- «Еңбекші көшіп келушіге рұқсатты беру, ұзарту және кері қайтарып алу, сондай-ақ еңбекші көшіп келушілерді тіркеу, дакто-, фото есепке алуды қалыптастыру және жүргізу қағидаларын бекіту туралы» - 6 мың 126 теңге (2 АЕК әр айға) құрайды.