Бүлдіршіндерге қуаныш сыйлады
Бүгін кент әкімі Шыңғыс Сыдықов «Дәметкен ана» балаларды оңалту орталығына бүлдіршіндерді жаңа жыл мерекесімен құттықтап барды. Жүздері балбұл жанған балаларға қуаныш сыйлап, сыйлық жасады.– Балалар біздің болашағымыз. Сондықтан олардың амандығын тілеу ата-аналық парымыз. Сол үшін келе жатқан жаңа жыл мерекесімен шын жүректен құттықтап, зор денсаулық тілеймін, – деді ол.
Мұнан соң кент әкімі аудандық психологиялық-педагогикалық түзету кабинетіндегі балаларды қуантып, жаңа жылдық сыйлықтарын табыстады. Балаларының көңілді күйін көрген ата-аналар алғысын айтып, жылы лебізін білдірді.
Ерсін СӘДУҰЛЫ
