Ерекше балаларға ерекше құрмет

Кездесуде республикалық əн, би байқауларының, спорттық жарыс­тардың, қолөнер мен көркемсурет жанрлары бойынша жеңімпаз атанған ерекше балалар қамтылды.

Басқосуда аймақ басшысы балаларды мерекемен құттықтап, алғыс хат пен сыйлықтар табыстады. Тəуелсіздіктің 30 жылдығына орай ұйымдастырылған іс-шараға аудандық психологиялық-педагогикалық түзету кабинетінен түзете-дамыту сабағын алушы, түрлі байқауда қолөнер мен көркемсурет жанрларында жеңімпаз атанып жүрген Нұрсұлтан Тоқшылық пен Нұртуған Рүстемұлы қатысты. Оқушыларды психологиялық-педа­гогикалық түзету кабинетінің басшысы Ләззат Мусаева, педагог-дефектолог Гүлжауһар Нұрпейісова алып барды.

Мерекелік басқосу балалар мен ата-аналарға көтеріңкі көңіл-күй сыйлады.