Мереке қарсаңында әйелдер қауымы марапатталды
Аудандық орталық кітапханада жаңа 2022 жыл мерекесіне орай аудандық әйелдер кеңесінің мерекелік кездесуі өтті.
Кездесу барысында «Ұрпақтан ұрпаққа» ҚБ аудандық филиалының төрайымы Ү.Махамбетова, ауданда отбасы құндылықтарын насихаттау, тұрмыстық зорлық-зомбылықтың алдын-алу жұмыстарын ілгерілету бойынша сөз қозғап, жиналғандарды жаңа жыл мерекесімен құттықтады.
Сондай-ақ, іс-шарада ауданның әлеуметтік-экономикалық дамуына үлес қосып жүрген бірқатар әйел азаматшалар аудан әкімінің орынбасары Ж.Ерқосаевтың алғыс хатымен марапатталды.
Аудандық әйелдер кеңесінің төрайымы К.Раева 2021 жылы атқарған жұмыстарына шолу жасап, алдағы жоспарымен бөлісіп, әйелдер қауымын қоғам мен мемлекет ісіне белсенді қатысуға шақырды.
