Қайырымдылық әр адамның қолынан келеді. Тек таза ниет болса жеткілікті. Міне осы қағиданы ұстанған аудандық әйелдер кеңесі мен аналар кеңесінің мүшелері «Мектепке жол» акциясы аясында тұрмысы төмен, көп балалалы отбасы балаларына қайырымдылық көмек көрсетуге бел буды.

Аудандық білім бөлімінен көмекке мұқтаж отбасы балаларының тізімін алып, 15 оқушыға оқу құралдары салынған сөмке сыйлады. Акцияға өз үлестерін қосқан әйел-аналар арасында қоғам белсенділері, кәсіпкер, мұғалімдер бар.

Аудандық Әйелдер кеңесінің төрайымы Күлжауһар Раева мен аналар кеңесінің төрайымы Тәжігүл Әбенова бастама көтерілгеннен қызметтегі әйел-аналардың бір жеңнен қол, бір жағадан бас шығарып акцияға атсалысқанына ризашылық сезімін білдірді. Ал мектепке баруға асыққан оқушылар әдемі сөмке мен қалам-дәптерге қуанып, оқушының алды болуға, сабақты жақсы оқуға уәде берді.