Қазақ халқында «Жақсы жоспар – жартылай біткен іс» деген тәмсіл бар. Жоспарды дұрыс жасай білгенің қашанда ұтылмасың анық. Әсіресе мемлекет ісінде. Жаңа форматтағы кент әкімінің сайлауына қатысып, жерлестерім секлді мен де қалаған үміткеріме өз дауысымды бердім. Мұндағы ерекшелік – әкімді халық өзі сайлайды. Таңдау еркі жергілікті тұрғындарда. Әділ. Ашық. Адал сайлау. Шындығында ауылына жаны ашитын, соның болашағы жолында аянбай тер төгетін көшбасшыны таңдауға мүмкіндік берген ҚР Президенті Қасым-Жомарт Тоқаевқа алғысымыз шексіз. Билік пен халықтың арасына алтын көпір болатын жаңа форматты сайлау елді мекен өміріне үлкен өзгеріс әкелеріне күмәнім жоқ.