Бүгін Қазақстан Республикасы бойынша Мәжіліс және жергілікті облыстық, қалалық, аудандық мәслихат депуттарын сайлау өтіп жатыр. Бұл – жалпыхалықтық сайлау. Үлкен мереке. Сондықтан барша ел азаматтарын осы сайлау күнімен құттықтаймын. Сайлау дегеніміз – халықтың ойын, пікірін білдіріп, елге болашақта не істеу керек, халыққа қалай жағдай жасалу керек, қандай кемшіліктер, қандай нәтиже бар соларды қорытып жаңа бесжылдыққа жоспар жасау. Сайлауға партиялар түсіп отыр. Тиісінше әр партияның өз бағдарламасы бар. Жалпы халық сайлауға келіп, елдің ертеңгі мүддесін ойлап, дауыс беруі керек деген ойда. Сол себепті, сайлауға келіп дауыс беріп жатырмыз. Халық осы сайлаудан үлкен үміт күтіп отыр. Сол үміт ақтала берсін деп тілеймін.