Лайықты үміткерге дауыс берейік

Сайлау халықтың билікке деген сенімінің және азаматтық қоғамның кемелдену деңгейінің көрсеткіші. Ал елдің қарыштап дамуы мемлекет пен қоғамның өзара қарым-қатынасына, олардың сенімі мен жауапкершілігіне тікелей байланысты. Сол үшін де бұл барлығымыз үшін жауапты кезең. Шын мәнінде, еліміз ұлы өзгерістер қарсаңында тұр. Әрине, көптеген адамдар алдағы сайлаудан үлкен өзгерістер күтеді. Бұл біздің еліміз үшін маңызды оқиға. Сайлауға қатысу әрбір Қазақстан азаматының жауапкершілігі, елдің болашағына деген жанашырлығы деп түсінемін. Сондықтан бүгінгі сайлауға белсенділікпен барып, лайықты үміткерге дауыс берейік дегім келеді.