Аудан орталығындағы №30 орта мектебінің спорт залында Қазақстан Республикасының Тәуелсіздігіне 30 жыл толуына және мұғалімдер күніне орай жалпы білім беретін мектеп мұғалімдері арасында микс волейболдан аудандық ашық біріншілігі өтті.

Жарыстың мақсаты мектеп мұғалімдерін дене шынықтыру және спортпен айналысуға тартып, волейбол негізінде олардың денсаулығын нығайту және мұғалімдер күнін кең көлемде атап өту болып табылады.

Турнирге аудан көлеміндегі жалпы білім беретін мектердерден 18 команда қатысып тартысты ойын көрсетті.

Жарыс қорытындысы бойынша ІІІ орынды №30 орта мектебі, ІІ орынды №279 мектеп-лицейі иеленсе турнир жеңімпазы №272 орта мектебі атанды. Сондай-ақ «үздік либера» номинациясымен Еркебаев Бекайдар және жарыстың «үздік ойыншысы» номинациясымен Өтесінов Мұрат марапатталды.