Аудан әкімі ұстаздарды мерекемен құттықтады

Сіздерді кәсіби мерекелеріңіз – Ұстаздар күнімен шын жүректен құттықтаймын!

«Білім – инемен құдық қазғандай» дейді, осы күрделі жұмыста оң нәтижелерге қол жеткізген ұстаздарға деген біздің ризашылығымыз ерекше зор.

Сіздердің тынымсыз еңбектеріңіздің арқасында алда талай елін сүйетін, білімді жастардың шығарына кәміл сенеміз.

Ұстаз деген ұлағатты есімді қастерлеп, ауданымыздың білім саласының дамуына өлшеусіз үлес қосып, талантты шәкірттер тәрбиелеп келесіздер.

Еліміздің ертеңі мен кемел келешегі үшін жасап жатқан қызметтеріңізге табыс, Өздеріңізге зор денсаулық, отбасыларыңызға амандық тілеймін!

Мерекелеріңіз құтты болсын!